وعد …

نفسى أقول كلام كتير

بس مش عارف أية اللى انا فية دة , حاسس انى خسرت كل حاجة

مش غلطة أو ذنب انى حبيت .

حبيت دى كلمة متوصفش اللى جوايا , و عشان كدة أنا هابعد شوية عنها ، عنكم ، عن المدينة بأسرها ، و ياريت يكون العالم كلة .

يمكن أنسى ، بس أنسى أية ، أنسى الحقيقة الوحيدة اللى عرفتها ، صعب .

أنا نسيت كل اللى فات ، لما قلبى دق بيكى وليكى ، حسيت انا كل اللى قبلك كان سراب ، واللى بعدك مجهول .

لأول مرة و أخر مرة أكون عاوز أصرخ بأعلى صوت أنى بحبك و مش قادر ، فى وقت كان جسمى كلة بينتفض بيها و ليها .

وعشان كدة بوعدك وعد ، بينى وبينك ، قلبى أتقفل خلاص ، بس أتقفل وأنتى جواه .

ياترى أموت ولا اعيش مبقتش فارقة ، حتى لو عيشت بعدك هاكون من غير قلب ، ممكن تقولى  قلبى اتحول حجرة صماء ، لا ترى لا تسمع لا تتكلم .

باتمنالك كل خير و سعادة و راحة بال ، وثقى كل الثقة ، أنك لو احتجتى أغلى ما أملك ، سر حياتى ، لن أتردد لحظة فى محنة إياك .

بجد مش عارف أتكلم …….. ، يا ترى يا بكرة مخبى أية تانى .

صدقونى انا كنت محضر كلام تانى و عنوان تانى بمناسبة سفرى المجهول ، بس مش عارف أية اللى أنا كتبتة دة

وياريت تكونى شايفة أخر سطورى وبهديكى الأغنية دى , أول مرة أسمعها أمس و لاقيت فيها كل اللى أنا عاوز اقولة

أنا من غيرك بكون

http://www.4shared.com/file/57977257/34d2b276/Ana_Min_Gherak_Bakon_melody4arabcom.html